ما هو إنحياز النجاة او البقاء || Survivorship Bias

الرغبة في التعلم من قصص الناجحين غريزة طبيعيه لكن في بعض الأحيان ممكن تؤدي لنتائج عكسية إذا لم ناخذ في الإعتبار إنحياز البقاء.

عندما ننظر للافراد او الشركات او المنتجات الناجحة فقط في مجال ما ونعتبرهم المقياس الوحيد للنجاح بدون الأخذ في الاعتبار البقيه التي فشلت هذا يمسى إنحياز النجاة او البقاء

يظهرُ هذا الانحيازُ عندما نُركِّزُ فقط على الأشخاص أوِ الأشياء التي "نجت" دون النَّظر لتلكَ التي "لم تنجُ" ممّا يُؤدِّي إلى حدوثِ العديدِ من الأخطاء الناجمةِ عن سوءِ تقديرٍ للوضعِ الرَّاهن

من اشهر الامثلة لإنحياز البقاء قصص الناجحين أمثال بيل جيتس و مارك زوكربيرغ، فكلاهما استطاع جمع ثروة تقدر بمليارت الدولارت على الرغم من عدم إكمالهما للجامعة.

معظم الناس تحب سماع قصص الناجحين الذين استطاعتوا النجاح في الحياة بدون تعليم او جامعة، وتتجاهل تماما بقية العوامل التي ساعدتهم على النجاح مثل البيئة او المكانة الإجتماعية أو حتى الحظ، لكن على أرض الواقع إذا نظرنا لعدد الاشخاص الذين نجحوا بدون جامعة مقارنة مع من اكمل تعليمه سنجد أن الحائزين على شهادات جامعية يكونون أكثر نجاحا ويجنون مالا أكثر وأقل عرضة للوقوع تحت طائلة الديون. 

الانحياز دا عنده صور متعددة منها:

-في المباني:

في ناس بتحب تبكي على الأطلال لمن تشوف بيت ليو قريب ال100 سنة وبتقول البيوت القديمة كانت اجمل وامتن لكن هل الكلام دا صاح؟ لا طبعا  لأنو نحن هنا بنعاين بس لاحسن البيوت القدرت تصمد من القرن الفات لغايه وقتنا دا اشان كدا طبيعي نصفها بانها الاحسن، والبيوت دي بتمثل فقط افضل ما  بُنى فقط، لكن في الحقيقة في مباني كتيرة انهارت و اتبنت من أول و جديد.

- العربات

برضو  في الناس بتقول انو العربات القديمة أقوى و احسن وبضرب ليك مثال بكم عربية (الكريسيدا وبوكسي اللبن)، لكن هل كلامه صاح برضو لا، العربات البذكرا ليك ديل عبارة عن القله الصمدت من بين الاف العربات الإندثرت وما قدرت تواكب الزمن.

والكلام برضو بنطبق على الأغاني، و الأفلام، الكورة القديمة.

- هنا في السودان بنسمع كتير في الفترة الأخيرة جمله( القرو عملو شنو) او الناس البتقول ليك الجامعة/المدرسة ما مهمه، او يقول ليك صاحبنا داك لاعب كورة بياخد 100 الف او الفنان الحفلته بقريب ال300 الف، أي صاح  الشهادة ممكن تكون ما مهمه لزول عندو موهبه (فنان، لاعب كورة، او زول اهله عندهم تجارة ممكن يشتغل فيها بدون تعليم عالي ) لكن اذا فكرتا فيها، في كم فنان او لاعب كورة بياخدوا القروش دي مقارنة بنفس الناس البتعمل نفس الحاجة البعملوها.

- اغلبنا بنفكر انو النجاح بكون نتيجة لصفات او روتين معين او النجاح عنده وصفة سرية لكن مرات النجاح بكون سببه الحظ.